Ne të huajt pa dokumente të Friburgut dhe të Zvicrës e ngrejmë zërin përmes këtij manifesti. Jemi familje, beqarë apo çifte pa fëmijë. Kemi ardhur nga katër anët e pesë kontinenteve të botës për të punuar, për të jetuar të lirë, për të qenë larg luftës dhe varfërisë. Shumica prej nesh i kemi ritur fëmijët këtu. Ka edhe prej atyre të cilët s’i shohin fare fëmijët të cilët kanë mbatur  në atdhe. Si çdo nënë dhe babë i familjes, ne dëshirojmë t’ju ofrojmë atyre një ardhmëri të lumtur.

Pas kaq viteve të kaluara në Zvicër, ne jemi plotësisht të integruar. Ne më parë do të ishim të huaj në atdheun tonë se sa në Zvicër ku jetojmë, paguajmë tatime, banesën ku jetojmë,  taksa shoqërore  si çdo qytetar i këtij vendi legal. Ne kemi kontribuar dhe do të kontribojmë në zhvillimin e këtij vendi si në planin ekonomik ashtu dhe atë shoqëror e kulturor.

Shumica prej nesh kemi ardhur legalisht në Zvicër. S’kemi dashur të jemi klandestinë. Ajo na është imponuar përmes ligjeve. Ne nuk jemi përgjegjës për këtë gjendje dhe e refuzojmë hipokrizinë e autoriteteve që kanë qëllim të na fajësojnë.

S’jemi kriminelë, por jemi gra dhe burra që i kryejmë punët më të vështira, që shumica prej jush i refuzoni në fushat e bujqësisë, hotelerisë, retoranteve ose të ndërtimtarisë dhe punëve publike.

Ne i nënshtrohemi shpeshherë kushteve të pa imagjinueshme për një zviceran : paga të dobëta, orare të punës të stërgjatura pa mbrojte shoqërore  me banesa të  dëmshme për shëndet . Këto janë e përditëshmja jonë. Përballë këtyre formave të eksploatimit ne jemi të pambrojtur.

Të jesh pa dokumente do të thotë të jesh pa të drejta nga e cila përfiton demokracia zvicerane.

Ne nuk kërkojmë të pa mundura por leje qëndrime për ne të gjithë. Si ju, ne mendojmë se kemi të drejtë të jetojme në dinjitet dhe të kemi siguri. Ne kërkojmë dokumente për të mos qenë viktimë e administratës arbitrare dhe të abuzimeve të nëpunësve të saj. Ne kërkojmë dokumente për të qarkulluar lirisht në rrugë pa frikë se mund të na ndalojnë dhe largojnë në çdo moment. Ne kërkojmë dokumente dhe trajtim mbigjith si qenie njerëzore të barabartë me të tjerët dhe  me të drejta ligjore.

Për këto arsye ne kërkojmë zgjidhjen kolektive të të huajve pa dokumenter dhe refuzojme zgjidhje të rasteve veç e veç. Të jemi gjithë viktimë e ligjeve të padrejta dhe kërkojmë të drejtën për migrim. Zgjidhjet masive që janë bërë në Francë, Itali, Portugali, Gjermani dhe në Belgjikë dëshmojnë se Zvicra s’mund të vazhdoje të na injorojë  për të na ekspolatuar edhe më tepër.